صدى القوافي

يالهادي


باسم العيثان ..

يالهادي شلون تخلينا ... بخلافك منهو اليحمينا
يالتنام بعينك الرحمة الإلهية بسلامة
يالتسف جفنك حصير تمهده لغفوة يتامة
من رحت كل شعرة من ارموشك انخلقت حمامه
رحمة موصيها ترف بينا
ريحة احضانك مضيف ودلته وچفّك أمانه
وراحة إيدك سفرة ممتدة بنعايم من جنانه
الرغيف الچان يتباها الأخذ منك حنانه
شگد صار يحن لهادينا
صعبه يا الماعودتني غيابك اتخليني وحدي
روحي انت ولوتغيبن مايظل شي منها عندي
وزعتني نوبه انت ونوبه حيدر نوبه ولدي
وبكلنا موزع تدرينا
ياضيا الله البينه عقبك صبحي صاير لونه حالك
يابه يالجفنك سماوات ودموعك من ملائك
لو غمضته علينا تنزل هالسما بفقدك تشارك
تطبق سابع منها علينا
يا البچيت علينا كلنا واحنا چنّا بين ايديك
يالچبير على الدمع حزنك تحيرت ابچيك
قوم علم هالدموع شتذرف وتبچي عليك
تخلقنا دموع وتبچينا

تعليقات الزوار

الإسم
البريد الإلكتروني
عنوان التعليق
التعليق
رمز التأكيد

مواقيت الصلاة